V Certame de Matmonólogos

O IES Monelos e o boletín de divulgación matemática TETRACTIS convocan o V certame de matmonólogos.

Os participantes presentarán un guión cunha extensión máxima de mil palabras en lingua galega ou castelá. O tema deberá estar relacionado coas matemáticas. Deberán presentarse en formato DINA4, por unha cara, a dobre espazo, con corpo de letra de 12 puntos e encabezados polo título.

Establécense catro categorías nas que o xurado designará un gañador por categoría:

• Alumnado de primaria e primeiro ciclo de secundaria.
• Alumnado de segundo ciclo de secundaria e bacharelato.
• Persoas, en xeral, cun mínimo de 18 anos e sen límite de idade.
• Alumnado do IES Monelos.

O prazo de entrega dos relatos comeza o 1 de febreiro e remata o 2 de maio de 2012, ambos inclusive. Presentaranse no rexistro de entrada do IES Monelos ou enviarase mediante correo ao seguinte enderezo:

V Certame de Matmonólogos

Departamento de Matemáticas
IES Monelos
Rúa Montes, 62
15009 A Coruña

O xurado comunicará a selección dos guións aos autores antes do 7 de maio de 2012. A defensa farase, ben polo autor ben por un alumno do IES Monelos, nun acto que se celebrará na Aula Xurxo Lobato do IES Monelos o martes, día 15 de maio de 2012 ante un xurado que se formará para a ocasión.

 

Bases: http://tetractismonelos.blogspot.com/2012/01/v-certame-de-matmonologos.html